وش اللي يجبــــر الشاعر يدور للشعر جمهور مدام انتي محبينه وعشاقه وجمهوره

السلام عليكم

شلونكم
شخباركم

انا جبت قصيده اليوم على ذووقي العجيب طبعا


واتمنى تعجبكم
أنــا والـلـيل والعـبرة وجـرح وخـاطر ٍمكـسور
ونـفـسِ مـن هـجـيـر الـبعـد والحرمان مقهوره

وقــلـبٍ ظـامي لـشـوفـك ولا يروي ظماه بحور
وعـيـنٍ تـحتـري لـحـظة غـياب الطيف وحظوره

ونــارِ تـــنـطــفي مــره ومــره تــشـــتعل وتـثور
وأقــول الـنـار مـقـدوره وهـي مـا هـيـب مقدوره

حــسـبـت الـلــيل بـغــيـابـك يــمـرن الـليال دهور
وكــنـي شـايـل بـقـلـبي لـيــال الـوقـت وشـهــوره

تـصـبـرت وتـقـدرت وبـنـيـت مـن الـخـيال قصور
إلــيـن إن الـجـفـا شـد الـركـايـب وإنـتـهـى دوره

تـحـريـتـك عـلـى درب الـقـصـيـد من ثلاث شهور
وحــشـا مـا مـات لـك غصن يشف الماي بجذوره

تـخـيــرت الـغـرام وجـيـت لا راضـي ولا مـجـبـور
وجـيـتـي تـسـبقـين خـطـاك مـرضيه ومـجـبـوره !!

وأنـا مـا كـان لـي رغـبـه أبـين وأكشف المستور
ولـكـن الــجـمـال أكـبـر مـن الـخــفـاق وشـعــوره

جــمـال وود وعـيـون ودلال وكـبـريـاء شـعـور !!
وفـتـنـه تـخـذل عـيـون النهـار ويـنـطـفـي نـوره ,,

ولـك فـي خـافـقي صـوره تـلاشت بـين ضي ونـور
وأخاف أسكت من الفرحة وتنطق بإسمك الصوره

عـرفـتـك وإنـتـهـت رحـلة قـساوة دربي الـمهجور
وإلا يـا جـمـلـة أيــام الـجـفـا والـصـد مــشـكــوره

خــذتـنـي لـلـجـفـا عــزه وأخـذنـي لـلـعـناد غـرور
وأخـاف أكـون بـعـنـادي حـبـيـب ومـات بـغـروره

وإذا كـانـت مـسـافـات الـخـيـانـة لـلـغـرام قـبـور
وش الـلـي يـجـبر العاشق يخون ويحفر قبوره؟؟

وش الـلـي يـجـبـر الشاعر يدور للشعر جمهور؟!
مـدام إنــتـي مـحـبـيـنه وعـشـاقـه وجـمـهـوره !!