مكــتبهـ لابــيـــآت الشـعر المتـــفرقهـ

رمش الغلا الفكرة حلوة وانا بحط كم بيت وابي رايكم


هانت همومي من غيابك ولا هنت
غيابك اكبر هم شفتة وجاني
ان كان قصدك تختبر شوقي احسنت
انا اشهد ان جاني اللى كفاني
-----------------------------
مهما تباعدنا ترى الود موجود
ما ينزعه من خافقي اي طاري
في عيني اليمنى لك الشوق ممدود
وفي عيني اليسرى وجودك اجباري
-------------------------------
انت حتى الجرح منك اشتهيه
من غلاك اظما عدابك وارتوي
انت حبك شئ ما اقدر عليه
كن حبك ضيف والقلب بدوي
------------------------------

ان شاء الله تعجبج

واوو


روعه رمش الغلا يسلمو

دمعه وفاء يسلموووو

اكثر واحدعجبني الاول

انا بعد بحط جم بيت
اخذيني
اخذيني اليا عجبتك بس رديني وان ما عجبتك خلاص اخذيني مابيني
ما دامني شفت فيك الطهر و العفة باعيف نفسي ليا منك كرهتيني
اخذيني لو أعتبر من ضمن أشيائك وأنا باحبك و لا لازم تحبيني
لابي علاقة و لابي نظرة و بسمه احساسي اني بقربك بس يكفيني
ولو اني انضفت لاشيائك غصب عنك طلّي علي يا غناتي لا تخليني
تراي لا جا المصامد ماني بهيّن تقول كن العرب لعبة بيدّيني
شخصيّتي من غرابتها و طيبتها كن الزمن في تحدّي بينه و بيني
اخذيني الشاعر اللي ما صدق حظه لا قلت يا حظ وينك قال يا ويني
اخذيني المبدع المتفلسف التحفه مؤمن و تضحك على العالم شياطيني
شهرة شكسبير و أفلاطون و نيوتن لا قلت لي بيت شعر تطيح من عيني
اخذيني العنصري اللي صدق متعنصرمن دون ربعي لو أقطّع شراييني
اخذيني اللي ليا منه طلب يعطى وتكفين لا من طلبتك لا ترديني
تكفين يا غايتي يا بهجة الدنيا اباحرق قلوب ناسٍ ما تدانيني
اخذيني بكل شوق و قولي أحبّه وان شكّكوا فيك والا فيّ ضميني
قولي سعد و الله انه غالي جدا وياجعل فدوه شبابي و آخر سنيني
وأنا باصدق كلامك و اعتنز بالله وباقول للناس ما يعنيك يعنيني
وأنا علي نذر ما أرخص جيتك و أنتي نذرٍ على رقبتك إنك ما تخليني