ابيات جميله لشاعرة عابرة سبيل

هالابيات للشاعرة القديرة عابرة سبيل اتمنى تعجبكم

لا تسافر
لا تسافر وتتركني أجاهد غلاك
................... كل شي يهون إلا جهاد الغرام

أما تبقى معايا أو اسافر معاك
................... لاتخليني لطوال الليالي طعام

خوفي البعد لامنه خذاك وطواك
................... مثل قصر تولاه الزمن والهدام

لاتسافر وانا اللي في رجاالله ورجاك
................... لا تسافر و تلقاني بقايــــا حطام
--------------------------------------------
حان الوداع """"

حـان الفــراق .. وتم توديع غاليـــن
................... قسـوة زمن وظروف ماهي رحومه

وحـاولت ابدّل موقف العسـر باللين
................... وأبـــيــــن قدامه جسور ظلومــــه

و أعاتبه وأنقد على دمعة العيــــن
................... وانــا - حشا لله - مانـــي ألــومه

و أقول هذا حال كـــل المحبيــــن
................... وهذا الفراق اللــــي تجينا علومه

ومسكت نفسي كن ماصاير شين
................... أخشى على خلي يشقق هدومه

ثم قلت وش تنطر حبيبي لهالحين؟
................... أثر ايديني ماسكات كمـــومه ؟؟؟؟
------------------------------------------
"""" هيـّا تغــزل """"



كل مااتصل فيك صبح وليل تشكي لي
................... من عوج الاوضاع والدنيا ومتاعبـــها

مليت يا صاحبي مابيك تحكي لي
................... هالأسطوانه أنا مليـت مطـــربها

حتى خيالك بتـال الليل ياتي لي
................... جروح وعيون معقوده حــواجبـها

عيشتني بعالم ماهو على جيلي
................... زهرة شبابي حرام انك تخربــها

ياما هجرتك ولا كملّت ترحيــلي
................... حبايب ما تــــعبر عن حبايبـــها

حبيبتك ما تحمــّل هالبـــهاذيلي
................... إضحك معاها ولاطفها ولاعبـــها

هيّا تغزل وغن وزيـــد تدليـــــلي
................... البنـــت يــــاحبها للي يداعبــــها

قلي وش رايك بفستاني ومنديلي؟
................... الوانهن تعجبك .. أو مانت راغبها؟

وقلي وش رايك بعقدي مع خلاخيلي؟
................... وشف قذلتي يوم قصينا ذوايبـها

وقلي وش رايك بأطباعي وأقاويلي
................... لاحظ عليها وغيّـرها وشطّبـــها

خل بيننا انقاش وعلوم وتعاليلي
................... وآمر على البنت وان حبيت طالبها

يامدمن الهم كافي دمع بالليلي
................... بكره تشبع من الدنيا ومصايبها

دنياك والله .. ماتسوى التزاعيلي
................... حتى ولاهيب كفو الي يعاتبها
-----------------------------------------
"""" ضايــقه """"

ضايقه بالحيل محتاجه اشتكي
................... لولا طبع فيّ .. يمديني شكيت

بس أدور عذر منشان البـــكي
................... لو يدوسون بطرف ثوبي بكيت

كل ماجيــــت اتريـــــح وارتكي
................... يزدحم في خاطري الفين بيت

ويش بيدي افعله غير الحكي؟
................... قاصره خطوات رجلي لو مشيت

أسرعي يانفس موتي واهلكي
................... صرتي همي يوم بالدنيا شكيت


.
بنات ابي رايكم بالابيات وان شاء الله اعجبتكم

واو

روعه يسلمووو حبووووبه


ان شاء الله دوم الابدااع

<< ضايــقه """"

ضايقه بالحيل محتاجه اشتكي
................... لولا طبع فيّ .. يمديني شكيت

بس أدور عذر منشان البـــكي
................... لو يدوسون بطرف ثوبي بكيت

كل ماجيــــت اتريـــــح وارتكي
................... يزدحم في خاطري الفين بيت

ويش بيدي افعله غير الحكي؟
................... قاصره خطوات رجلي لو مشيت

أسرعي يانفس موتي واهلكي
................... صرتي همي يوم بالدنيا شكيت>>


صـــح لـــســانــج ...


<<دمــعة وفاء >> ..


وتــــســلــم ايــــــدج ...

دمتـــى بــود ...

تقبلــــــــي مــروري ..


<< العــذاب >>

يسلموعلى المرور
<< العــذاب >>
|[ قدسـاويه متعــصبـه]|
المنتدى منور بوجودكم تسلمون على ردودكم

يســــــــــلموووووووووووووووووووووووووووووو ع القصــآآآيدـ الرووعهـ ^^

يسلمو على المرور
رمش الغلا