كـــل عام وانت بخير ثامر شبيب الدقباسي

السلام عليكم

شلونكم شخباركم

اليوم جبت قصيده روعه

حق المبدع [ ثامر شبيب ]


بعنوان كل عام وانت بخير

اخليكم مع القصيده

كل عام وانت بخيـر وايامـك بخيـر

لايـابـعـدهــم كـلــهــم يـاغـنــاتــي

انت بحياتي شـي ثانـي عـن الغيـر

تقدر تقول : اجمل حدث في حياتي

انت الفـرح انـت الوفـا والتباشيـر

انــت امنـيـه لا والله كــل امنيـاتـي

دايم افكر لـو خسرتـك وش يصيـر

وقــول دايــم جـعـل قبـلـه وفـاتــي

من قبل اعرفك ماحسبت المخاسير

واليـوم شفنـي ماخسرتـك واحاتـي

اذا افترقنـا بطلبـك مطـلـب صغـيـر

لاتزورنـي بيـن النـعـاس ومبـاتـي

اخـاف لاجـونـي طيـوفـك مسايـيـر

قلـطـهـم قـلـبـي تـعـشـوا مـمـاتــي
ماقلت لـك طبـع الوجيـه المسافيـر

ماتغيـب وان غابـت ليالـي وتـاتـي

يعني اذا بتغيـب مـن غيـر تفكييـر

ترجـع قبـل لا ينكـسـر لــك ثبـاتـي

ولا اخذني معك مـن ويـن ماتسيـر

مدامـك الــدرب الطـويـل بجهـاتـي

لو نفترض اني وصلت السما طير

احـوم حومـة حـر والـريـح عـاتـي

المشـكـلـه انـــي بـلـيـاك مـاطـيــر

لانــك جنـاحـي للمطـيـر ونـجـاتـي

الطيحـه منـك تتـرك اسنيـن تأثيـر

من قال لـك مـاراح تشمـت عداتـي

لا والله الا طيحـة الدلـو فـي البـيـر

ياكـبـرهـا مـنــك الـمـلـم شـتـاتــي

وص انت قلبك يذكر الحب بالخيـر

ولا انـــا والله لـقـضـب وصــاتــي

امانتك .. في داخلـك شوفنـي غيـر

وامانـتـي .. لقـربـك قــرب ذاتـــي

مـن كثـر ماخانـت غـلاك التعابـيـر

معاك احس اصـدق كلامـي سكاتـي

لكـن تعـال وخــل عـنـك المعـاذيـر

شفني شسوي وسو عقبي سواتي

ارفـع يـديـك لـمـن يــرد المقـاديـر

وردد ورايـــه ماتـقـولـه شـفـاتــي

كل عام وانت بخيـر وايامـك بخيـر

وانـا معـاك اعـيـش بـاقـي حيـاتـي